ເງື່ອນໄຂການນຳໃຊ້

ເງື່ອນໄຂການນຳໃຊ້

#ບໍລິສັດ ເພັດອານົງ ພັດທະນາ ຈຳກັດຜູ້ດຽວ

ເປັນຜູ້ໃຫ້ບໍລິການແອັບ we-serve ທີ່ມີຫຼາກຫຼາຍການບໍລິການ ເພື່ອຮັບໃຊ້ສັງຄົມ

1. We-Food “ບໍລິການອາຫານ”

§  ສໍາລັບລູກຄ້າ: ທ່ານສາມາດໃຊ້ບໍລິການສັ່ງຊື້ອາຫານ Food Delivery ຜ່ານແອັບຂອງ Weserve lao. ເຊິ່ງຈະມີຫຼາກຫຼາຍປະເພດອາຫານທີ່ ທ່ານສາມາດເລືອກສັ່ງໄດ້, ລູກຄ້າຍັງສາມາດສັ່ງຈອງເຊັດພາເຂົ້າ ເພື່ອຮັບ ປະທານຢູ່ບ້ານໄດ້ ແລະ ລູກຄ້າຍັງສາມາດຈອງໂຕະຕາມຮ້ານອາຫານຕ່າງໆໄດ້.

§  ສໍາລັບຮ້ານອາຫານທີ່ຕ້ອງການສະໝັກເປັນຜູ້ປະກອບການຮ່ວມກັບພວກເຮົາ, ສາມາດສະໝັກໄດ້ທຸກຊ່ອງທາງ, ຄ່າທໍານຽມຂອງພວກເຮົາເລີ່ມຕົ້ນພຽງ 15%.

ð  ສຳລັບບໍລິການນີ້ຂອງພວກເຮົາຈະໃຫ້ບໍລິການໄວໆນີ້.

2. We-Mart “ບໍລິການຮ້ານຄ້າ”

§  ແມ່ນການບໍລິການໃຫ້ແກ່ລຸກຄ້າທີ່ຕ້ອງການສັ່ງຊື້ສິນຄ້າຈາກຮ້ານມີນິມາດ, ຊູບເປີມາເກັດຕ່າງໆ ທາງອອນລາຍ ໂດຍການສັ່ງຊື້ຜ່ານ ແອັບ Weserve lao.

§  ສໍາລັບຮ້ານຄ້າຕ່າງໆທີ່ຕ້ອງການສະໝັກເປັນຜູ້ປະກອບການຮ່ວມກັບພວກເຮົາ, ສາມາດສະໝັກມາໄດ້ທຸກ ຊ່ອງທາງ, ຄ່າທໍານຽມຂອງພວກເຮົາເລີ່ມຕົ້ນພຽງ 15%. 

ðສຳລັບບໍລິການນີ້ຂອງພວກເຮົາຈະໃຫ້ບໍລິການໄວໆນີ້.

3. Weserve Shipper

ປະກອບມີ 2 ປະເພດບໍລິການຄື:

§We-Taxi “ບໍລິການວີແທັກຊີ”:

ແມ່ນການບໍລິການລົດໃນຕົວເມືອງ, ສໍາລັບລູກຄ້າທີ່ຕ້ອງການເດີນທາງພາຍໃນຕົວເມືອງ ໂດຍຜ່ານແອັບ ຂອງ Weserve lao. ທ່ານສາມາດເອີ້້ນໃຊ້ບໍລິການໄດ້ ທຸກທີ່ ທຸກເວລາ ຕະຫຼອດ 24 ຊົ່ວໂມງ ທາງອອນລາຍ. ໂດຍຜູ້ໃຫ້ບໍລິການ (ຜູ້ຂັບ) ຈະເຫັນຄໍາສັ່ງເອີ້ນໃຊ້ບໍລິການຜ່ານແອັບຂອງ Weserve lao ເຊັ່ນກັນ. ລູກຄ້າສາມາດ ຊໍາລະຄ່າບໍລິການ ໂດຍຜ່ານຊ່ອງທາງອອນລາຍເຊັ່ນ: ການໂອນເງິນ, QR Code ຫຼື ສາມາດຊໍາລະເປັນເງິນສົດໃຫ້ກັບຄົນຂັບໄດ້. ລົດທີ່ມີໃຫ້ບໍລິການແກ່ລູກຄ້າມີທັງປະເພດລົດສ່ວນໂຕ, ແລະ ລົດແທັກຊີທີ່ໃຫ້ບໍລິການສົ່ງລູກຄ້າ.

           +  ຄ່າບໍລິການ We-Taxi “ບໍລິການວີແທັກຊີ”:

ກຳນົດລາຄາເລີ່ມຕົ້້ນ:              13,000 ກີບ/ຄັ້ງ.

ລາຄາຕໍ່ກິໂລແມັດ:                 10,000 ກີບ/ກິໂລແມັດ.

ລາຄາຕໍ່ເວລາ:                           200 ກີບ/ນາທີ.

+  ສຳລັບການໃຊ້ງານ (ລູກຄ້າ ຫຼື ຜູ້ໂດຍສານ): ໃນເວລາທີ່ລູກຄ້າຕ້ອງການໃຊ້ບໍລິການແມ່ນເຂົ້າໄປທີ່ຟັງຊັນເອີ້ນໃຊ້ບໍລິການແທັກຊີອອນລາຍ, ທ່ານຈະ ເຫັນລົດທີ່ພ້ອມໃຫ້ບໍລິການທີ່ຢູ່ບໍລິເວນໃກ້ຄຽງທ່ານ, ແລະ ພ້ອມທັງສະແດງ ເວລາໃຫ້ທ່ານຮູ້ວ່າຈະໃຊ້ເວລາ ຈັກນາທີເພື່ອໄປຮອດຈຸດທີ່ທ່ານຢູ່. ພາຍຫຼັງທ່ານຢືນຢັນເລືອກໃຊ້ບໍລິການ ທ່ານຈະເຫັນລາຍລະອຽດຂອງລົດທີ່ ຈະມາຮັບທ່ານຄື: ຮູບຂອງລົດ, ປະເພດລົດ, ເລກທະບຽນ, ຮູບຂອງຜູ້ຂັບ ແລະ ທ່ານສາມາດແຊັດຫາຄົນຂັບໄດ້. ແລະ ທ່ານຍັງສາມາດຮູ້ວ່າຄ່າບໍລິການຈົນຮອດປາຍທາງແມ່ນປະມານເທົ່າໃດ, ແລະ ເມື່ອ ໄປຮອດປາຍທາງຂອງທ່ານ ໃນແອັບຈະສະແດງລາຄາບໍລິການໃຫ້ທ່ານ ແລະ ຄົນຂັບໄດ້ຮູ້, ແລ້ວດໍາເນີນການຊໍາລະຄ່າບໍລິການ. ຄ່າບໍລິການສາມາດຮັບເປັນເງິນໂອນ ແລະ ເງິນສົດເພື່ອຄວາມສະດວກ.

+  ສໍາລັບການໃຊ້ງານ (ຜູ້ຂັບ): ໃນເວລາທີ່ມີການເອີ້ນໃຊ້ບໍລິການ, ຜູ້ຂັບຈະເຫັນມີລາຍການເອີ້ນເຂົ້າ ແລະ ສາມາດເຫັນຈຸດທີ່ລູກຄ້າ ຕ້ອງໃຫ້ ໄປຮັບ-ສົ່ງ ພ້ອມທັງສະແດງເວລາໃນການເດີນທາງໃຫ້ເຫັນ. ຖ້າຫາກເຫັນວ່າປາຍທາງທີ່ລູກຄ້າເອີ້ນນັ້ນ ຢູ່ເສັ້ນທາງດຽວກັນ, ເສັ້ນທາງທີ່ຈະຜ່ານ ຫຼື ຢູ່ໃກ້ກັນກັບຂອບເຂດ ທີ່ຜູ້ຂັບຈະເດີນທາງໄປຢູ່ແລ້ວ, ຜູ້ຂັບສາມາດ ກົດຮັບລູກຄ້າດັ່ງກ່າວ, ແລ້ວໃຫ້ບໍລິການຮັບ-ສົ່ງ. ພາຍຫຼັງສົ່ງ ລູກຄ້າຮອດປາຍທາງ, ໃນແອັບບໍລິການຈະສະແດງຄ່າບໍລິການທັງໝົດໃຫ້ແກ່ຜູ້ຂັບ ແລະ ລູກຄ້າ, ສາມາດ ເລືອກການຊໍາລະໂດຍສະແກນຜ່ານ QR, ການໂອນ ຫຼື ເງິນສົດໄດ້ຕາມຄວາມຕ້ອງການ. ຜູ້ຂັບວີແທັກຊີ ແຕ່ລະຄົນພາຍຫຼັງສະໝັກສໍາເລັດ, ຈະມີລະຫັດ ແລະ ກະເປົາເງິນ (Wallet) ເຊິ່ງຈະມີໄວ້ສໍາລັບ ສື່ກາງການຊໍາລະສະສາງລະຫວ່າງຜູ້ຂັບ ແລະ ບໍລິສັດ, ສໍາລັບຮັບເງິນໂບນັສ ແລະ ອື່ນໆ.

+  ສິດຜົນປະໂຫຍດໃນການເປັນຜູ້ຂັບວີແທັກຊີ “We-Taxi” ຂອງພວກເຮົາຄື:

1.      ບໍ່ມີຄ່າສະໝັກເປັນຄູ່ຮ່ວມທຸລະກິດນໍາພວກເຮົາ.

2.      ທ່ານຈະສາມາດສ້າງລາຍຮັບເພີ່ມໃຫ້ແກ່ທ່ານ ນອກຈາກວຽກປະຈໍາຂອງທ່ານ. ສໍາລັບທ່ານ ທີ່ໃຫ້ບໍລິການ ແທັກຊີຢູ່ແລ້ວທ່ານຈະໄດ້ຮັບລູກຄ້າເພີ່ມຈາກຊ່ອງທາງທີ່ທ່ານໃຫ້ບໍລິການປົກກະຕິຢູ່. ໂດຍຈະເສຍຄ່າບໍລິ ການແອັບພຽງແຕ່ 15% ຂອງລາຍຮັບທ່ານ.

3.      ທ່ານຈະໄດ້ຮັບເງິນເພີ່ມຈາກການແນະນໍາໃຫ້ໝູ່ ຫຼື ຄົນຮູ້ຈັກຂອງທ່ານສະໝັກເປັນຜູ້ຂັບ. ໂດຍທ່ານຈະໄດ້ ຮັບໂບນັສຂອງລາຍຮັບໃນເດືອນຂອງຜູ້ທີ່ທ່ານແນະນໍາ ເປັນເວລາ 3 ເດືອນ.

4.      ທ່ານຍັງມີສິດລຸ້ນຮັບລາງວັນທີ່ພວກເຮົາຈະຈັດຂຶ້ນໃນແຕ່ລະໄລຍະ.

5.      ທ່ານສາມາດບໍລິຫານເວລາດ້ວຍໂຕເອງ, ໃນມື້ທີ່ທ່ານບໍ່ພ້ອມໃຫ້ບໍລິການ ກໍ່ພຽງແຕ່ປິດ ບໍ່ໃຫ້ບໍລິການຜ່ານ ທາງອອນລາຍໃນວັນດັ່ງກ່າວ.

6.      ສາມາດສ້າງລາຍຮັບໄດ້ທຸກເວລາ ຕະຫຼອດ 24 ຊົ່ວໂມງ.

7.      ທ່ານຈະຮູ້ສຶກພູມໃຈທີ່ໄດ້ເປັນສ່ວນໜຶ່ງໃນການຊ່ວຍເຫຼືອສັງຄົມເພາະພວກເຮົາຈະມີກອງທຶນທີ່ໄດ້ຈາກລາຍຮັບຂອງທຸລະກິດ ເພື່ອຈັດກິດຈະກໍາຊ່ວຍເຫຼືອສັງຄົມໃນແຕ່ລະໄລຍະ.

+  ຜູ້ທີ່ເໝາະສຳລັບການເປັນຜູ້ຂັບວີແທັກຊີ “We Taxi”:

1) ມີວຽກປະຈໍາແລ້ວ ແລະ ຕ້ອງການສ້າງລາຍຮັບເພີ່ມ.

2) ສັນຊາດລາວ

3) ອາຍຸ 20 ປີ ຂຶ້ນໄປ

4) ມີໃບຂັບຂີ່

5) ມີລົດເປັນຂອງໂຕເອງ

6) ພະນັກງານລັດ, ເອກະຊົນ ຫຼື ບຸກຄົນທີ່ມີວຽກປະຈໍາຢູ່ແລ້ວ ລວມທັງຜູ້ທີ່ບໍລິການແທັກຊີຢູ່ແລ້ວ

7) ມີຄວາມມັກໃນອາຊີບທີ່ສາມາດບໍລິຫານເວລາໄດ້ດ້ວຍຕົວເອງ

+  ສຳລັບການສະໝັກເປັນຜູ້ຂັບວີແທັກຊີ “We-Taxi”:

-       ວິທີສະໝັກ: ທ່ານສາມາດສະໝັກຜ່ານເວບໄຊຂອງ we-serve.la ໄດ້ເລີຍ ໂດຍເຂົ້າໄປທີ່ລົງທະບຽນ ຫຼື ສາມາດເຂົ້າໄປທີ່ລີ້ງ https://we-serve.la/customers/register ແລ້ວລົງທະບຽນໄດ້ເລີຍ.

 §  We-Bus “ບໍລິການລົດທາງໄກ”:

            ແມ່ນການບໍລິການລົດທາງໄກ, ສໍາລັບລູກຄ້າທີ່ຕ້ອງການເດີນທາງອອກນອກເມືອງໃຫຍ່ ຫຼື ເດີນທາງໄປ ຕ່າງແຂວງໂດຍຜ່ານແອັບ ຂອງ Weserve lao. ທ່ານສາມາດເອີ້້ນໃຊ້ບໍລິການໄດ້ທຸກທີ່ ທຸກເວລາ ຕະຫຼອດ 24 ຊົ່ວໂມງ ທາງອອນລາຍ. ໂດຍຜູ້ໃຫ້ບໍລິການ (ຜູ້ຂັບ) ຈະເຫັນຄໍາສັ່ງເອີ້ນໃຊ້ບໍລິການຂອງລູກຄ້າຜ່ານແອັບຂອງ We-Serve. ລູກຄ້າສາມາດຊໍາລະຄ່າບໍລິການໂດຍການຈ່າຍຜ່ານ BCEL One ພາຍຫຼັງການສັ່ງຈອງປີ້. ລົດທີ່ມີໃຫ້ບໍລິການແກ່ລູກຄ້າມີທັງປະເພດລົດສ່ວນໂຕ ແລະ ລົດທີ່ໃຫ້ບໍລິການຜູ້ໂດຍສານ ເຊັ່ນ: ລົດຕູ້, ລົດເມ, ລົດກະບະ, ລົດຈິບ...

+  ສຳລັບການໃຊ້ງານ: ການບໍລິການນີ້, ຜູ້ຂັບທີ່ໄດ້ສະໝັກເປັນຜູ້ຂັບລົດວີແທັກຊີ “We Bus” ຂອງ We-Serve ແລະ ມີແຜນເດີນທາງໄປຕ່າງແຂວງ ຜູ້ຂັບສາມາດ ສະມັກຄິວຜ່ານ We-Serve App  ກ່ອນໜ້າ 3 ວັນ ກ່ອນທີ່ຈະອອກເດີນທາງ, ເພື່ອໃຫ້ລູກຄ້າ ຫຼື ຜູ້ໃຊ້ບໍລິການແອັບຂອງ Weserve lao ເຫັນ (ເຊິ່ງຈະມີຂໍ້ມູນ ລະອຽດຄື: ປາຍທາງທີ່ຈະໄປ, ປະເພດລົດ, ຈໍານວນບ່ອນນັ່ງ ຫຼື ຜູ້ໂດຍສານທີ່ຜູ້ຂັບຮັບໄດ້ ສໍາລັບການເດີນທາງໄປນໍາກັນ, ແຜນເສັ້ນທາງເດີນ) ແລະ ສາມາດເຂົ້າໄປຈອງປີ້ເດີນທາງດັ່ງກ່າວໄດ້, ເມື່ອເຖິງເວລາອອກເດີນທາງຄົນຂັບຈະໄປຮັບລູກຄ້າຕາມສະຖານທີ່ ທີ່ໄດ້ປັກມຸດ (ສາມາດລົມກັບຜູ້ຂັບໄດ້ຫາກຕ້ອງການໃຫ້ໄປຮັບຢູ່ຈຸດໃໝ່), ພາຍຫຼັງລົດອອກເດີນທາງລູກຄ້າຍັງສາມາດເອີ້ນລົດທີ່ກຳລັງເດີນທາງ ໃຫ້ໄປຮັບລູກຄ້າລະຫວ່າງທາງໄດ້ນຳອີກ;

ð  ສຳລັບບໍລິການລົດທາງໄກຂອງພວກເຮົາຈະໃຫ້ບໍລິການໄວໆນີ້.

 4. Weserve Shipper “ບໍລິການຂົນສົ່ງສິນຄ້າ”                                                                                      

         §   ການບໍລິການທີ່ຈະຊ່ວຍອໍານວຍຄວາມສະດວກໃຫ້ແກ່ບັນດາແມ່ຄ້າອອນລາຍ, ຮ້ານຂາຍເສື້ອຜ້າ ແລະ ຮ້ານ ຂາຍເຄື່ອງຕ່າງໆ ໃນການສົ່ງເຄື່ອງໃຫ້ກັບລູກຄ້າ ເຊິ່ງບາງຄັ້ງມີຈໍານວນຫຼາຍອໍເດີ້ ທ່ານສາມາດເອີ້ນໃຊ້ບໍລິການຜູ້ສົ່ງເຄື່ອງໄດ້ໂດຍຜ່ານທາງແອັບ Weserve lao ຂອງພວກເຮົາ. ເຮົາສາມາດໃຫ້ບໍລິການສົ່ງເຄື່ອງນັບແຕ່ສິນຄ້ານ້ອຍໆ ນໍ້າໜັກໜ້ອຍ ຈົນຮອດສິນຄ້າທີ່ໃຫຍ່ ແລະ ມີນໍ້າໜັກຫຼາຍ. ບໍລິການດັ່ງກ່າວນີ້ສາມາດ ໃຫ້ບໍລິການທັງພາຍໃນຕົວເມືອງ ແລະ ລະຫວ່າງແຂວງ.

          §    ນອກຈາກນີ້, ພວກເຮົາຍັງໃຫ້ບໍລິການລູກຄ້າທີ່ຕ້ອງການຍົກຍ້າຍຖິ່ນຖານເຊັ່ນ: ຍ້າຍຫ້ອງການ, ຍ້າຍເຮືອນ ແລະ ອື່ນໆ.

           §     ພວກເຮົາມີຜູ້ສົ່ງເຄື່ອງ ແລະ ພາຫະນະການສົ່ງເຄື່ອງຫຼາກຫຼາຍປະເພດ  ຕັ້ງແຕ່ປະເພດລົດຈັກ, ລົດກະບະ, ລົດເກັງ ໄປຈົນເຖິງລົດ 22 ລໍ້.

+  ສໍາລັບການໃຊ້ງານ (ຜູ້ຂັບ): ໃນເວລາທີ່ມີການເອີ້ນໃຊ້ບໍລິການ, ຜູ້ຂັບຈະເຫັນມີລາຍການເອີ້ນເຂົ້າ ແລະ ສາມາດເຫັນຈຸດທີ່ລູກຄ້າ ຕ້ອງໃຫ້ ໄປຮັບ-ສົ່ງ, ລາຍລະອຽດສິນຄ້າ (ຮູບ, ປະເພດ, ຂະໜາດ, ນໍ້າໜັກ, ຈຳນວນ) ຜູ້ຂັບສາມາດ ກົດຮັບລາຍການດັ່ງກ່າວ, ແລ້ວໃຫ້ບໍລິການຮັບ-ສົ່ງສິນຄ້າ ຕາມສາຍທາງທີ່ລູກຄ້າປັກມຸດໄວ້. ລູກຄ້າ, ສາມາດ ເລືອກການຊໍາລະໂດຍສະແກນຜ່ານ QR, ການໂອນ ຫຼື ເງິນສົດໄດ້ຕາມຄວາມຕ້ອງການ. We-Shipper ແຕ່ລະຄົນພາຍຫຼັງສະໝັກສໍາເລັດ, ຈະມີລະຫັດ ແລະ ກະເປົາເງິນ (Wallet) ເຊິ່ງຈະມີໄວ້ສໍາລັບ ສື່ກາງການຊໍາລະສະສາງລະຫວ່າງຜູ້ຂັບ ແລະ ບໍລິສັດ, ສໍາລັບຮັບເງິນໂບນັສ ແລະ ອື່ນໆ

+  ສຳລັບການໃຊ້ງານ (ລູກຄ້າ): ໃນເວລາທີ່ລູກຄ້າຕ້ອງການໃຊ້ບໍລິການແມ່ນເຂົ້າໄປທີ່ຟັງຊັນເອີ້ນໃຊ້ບໍລິການລົດຂົນສົ່ງ, ລູກຄ້າສາມາດເລືອກປະເພດລົດໃຫ້ເໝາະສົມກັບສິນຄ້າທີຈະໃຫ້ບໍລິການຮັບ-ສົ່ງ ແລ້ວ ໃສ່ລາຍລະອຽດປັກມຸດຈຸດຮັບ, ຈຸດສົ່ງ (ສາມາດປັກມຸດຈຸດສົ່ງສູງສຸດ 10 ຈຸດຕໍ່ຖ້ຽວ)ໃສ່ລາຍລະອຽດສິນຄ້າ (ຮູບ, ປະເພດ, ຂະໜາດ, ນໍ້າໜັກ, ຈຳນວນ...) ທ່ານສາມາດຮູ້ວ່າຄ່າບໍລິການແມ່ນປະມານເທົ່າໃດ, ພາຍຫຼັງທ່ານຢືນຢັນເລືອກໃຊ້ບໍລິການ ທ່ານຈະເຫັນລາຍລະອຽດຂອງລົດທີ່ ຈະມາຮັບທ່ານຄື: ຮູບຂອງລົດ, ປະເພດລົດ, ເລກທະບຽນ, ຮູບຂອງຜູ້ຂັບ ແລະ ທ່ານສາມາດແຊັດຫາຄົນຂັບໄດ້ ແລະ ເມື່ອຄົນຂັບໄປຮັບເອົາສິນຄ້າແລ້ວ ລູກຄ້າສາມາດຕິດຕາມສິນຄ້າຂອງຕົນວ່າສົ່ງສຳເລັດຈັກຈຸດກຳລັງສົ່ງຈຸດໃດ ການຢັ້ງຢືນການສົ່ງສຳເລັດແຕ່ລະຈຸດດ້ວຍການຖ່າຍຮູບການມອບ-ຮັບ, ຄ່າບໍລິການສາມາດຈ່າຍເປັນເງິນໂອນ ແລະ ເງິນສົດເພື່ອຄວາມສະດວກ.

ð  ສຳລັບບໍລິການລົດທາງໄກຂອງພວກເຮົາຈະໃຫ້ບໍລິການໄວໆນີ້.

5.We-Fresh Farm “ບໍລິການຕະຫຼາດສົດ”

    §  ແມ່ນການບໍລິການທີ່ຈະຊ່ວຍຕອບໂຈດກັບແມ່ເຮືອນ ແລະ ຜູ້ທີ່ຕ້ອງການອາຫານສົດໆຈາກບ່ອນຜະລິດ ເຊັ່ນ: ພືດຜັກ, ໝາກໄມ້, ຊີ້ນ, ປາ… ເຊິ່ງສາມາດສັ່ງຈອງຜ່ານທາງອອນລາຍ ແລະ ພວກເຮົາຈະຈັດສົ່ງໃຫ້ພວກທ່ານ ຈົນເຖິງບ້ານຕາມເວລາທີ່ຕ້ອງການ.

§  ບັນດາຮ້ານອາຫານ, ອາດເຄີຍພົບບັນຫາໃນການຈັດຊື້ ແລະ ສະຕັອກວັດຖຸດິບໃນການເຮັດອາຫານ, ຕໍ່ໄປນີ້ພວກທ່ານຈະມີຕົວຊ່ວຍທີ່ດີ ໃຫ້ທ່ານສາມາດສັ່ງຊື້ຜ່ານແອັບ Weserve lao ຂອງພວກເຮົາ, ໂດຍສາມາດຈັດສົ່ງທ່ານໄດ້ຕາມເວລາທີ່ຕ້ອງການ.

§  ພວກທ່ານຈະໝັ້ນໃຈກັບຄຸນນະພາບຂອງວັດຖຸດິບທີ່ໄດ້ຈາກການຄັດສັນເປັນຢ່າງດີຂອງພວກເຮົາ ເພື່ອສະ    ໜອງສິນຄ້າທີ່ດີທີ່ສຸດໃຫ້ແກ່ລູກຄ້າຂອງພວກເຮົາ.

§  ສໍາລັບບັນດາຮ້ານອາຫານທີ່ເປັນຄູ່ຮ່ວມທຸລະກິດຂອງພວກເຮົາ, ພວກເຮົາຍັງມີສິດທິພິເສດໃນການໃຫ້ເຄຣດິດ ໃນການຊໍາລະ ແລະ ການບໍລິການ ອີກດ້ວຍ.

ð  ສຳລັບບໍລິການນີ້ພວກເຮົາຈະໃຫ້ບໍລິການໄວໆນີ້.

6. We-Market “ບໍລິການຈ່າຍຕະຫຼາດ”

    § ການຈ່າຍຕະຫຼາດ, ຖືເປັນໜຶ່ງວຽກຫຼັກຂອງບັນດາແມ່ບ້ານແມ່ເຮືອນ, ພວກເຮົາເຫັນໄດ້ຄວາມສຳຄັນໃນການ ອໍານວຍຄວາມສະດວກໃຫ້ແກ່ບັນດາແມ່ເຮືອນຕ່າງໆ ສາມາດໃຊ້ບໍລິການຜູ້ຊ່ວຍຈ່າຍຕະຫຼາດໄດ້ ພຽງແຕ່ເຂົ້າ ໃຊ້ບໍລິການແອັບ Weserve lao ແລ້ວເລືອກບໍລິການຈ່າຍຕະຫຼາດ. ເຊິ່ງພວກເຮົາຈະມີຕະຫຼາດສົດຈໍານວນຫຼາຍ ທີ່ເປັນ ຕະຫຼາດໃຫຍ່ ແລະ ມີສິນຄ້າຫຼາກຫຼາຍໄວ້ສໍາລັບໃຫ້ບໍລິການ, ລູກຄ້າສາມາດເລືອກລາຍການທີ່ຕ້ອງການຊື້ ແລະ ສາມາດເລືອກຊື້ນຳແມ່ຄ້າທີ່ທ່ານເຄີຍຊື້ເປັນປະຈຳໄດ້ທາງອອນລາຍ ຜ່ານແອັບຂອງ We-Serve ແລ້ວຜູ້ຊ່ວຍຈ່າຍຕະຫຼາດຈະຈັດການ ໃນການຈັດຊື້ ແລະ ສົ່ງໃຫ້ລູກຄ້າແຕ່ລະທ່ານເຖິງບ້ານ.

ð  ສຳລັບບໍລິການນີ້ພວກເຮົາຈະໃຫ້ບໍລິການໄວໆນີ້.