ເງື່ອນໄຂຄວາມເປັນສ່ວນຕົວ

ເງື່ອນໄຂການນຳໃຊ້

ຂໍ້ກຳນົດ ແລະ ນະໂຍບາຍຄວາມເປັນສ່ວນຕົວ

I.   ວ່າດ້ວຍຂໍ້ມູນສ່ວນຕົວ

ນະໂຍບາຍຄວາມເປັນສ່ວນຕົວຂອງ ບໍລິສັດ ເພັດອານົງ ພັດທະນາ ຈຳກັດຜູ້ດຽວ ຈະເຮັດໃຫ້ທ່ານໄດ້ເຂົ້າໃຈເຖິງຂໍ້ມູນສ່ວນຕົວ,ການນໍາໃຊ້ ແລະ ການເຜີຍແຜ່ຂໍ້ມູນໃນຮູບແບບ Digital ຕ່າງໆໃນລະບົບ Application ຂອງ we serve driver ນະໂຍບາຍຄວາມເປັນສ່ວນຕົວສະບັບນີ້ ຈະຊ່ວຍໃຫ້ທ່ານໄດ້ຕັດສີນໃຈວ່າທ່ານຄວນຈະໃຫ້ຂໍ້ມູນສ່ວນຕົວກັບລະບົບ Application ຂອງ we serve driver ຫລືບໍ່? ເຖິງຢ່າງໃດກໍ່ຕາມກ່ອນທີ່ທ່ານຈະໃຫ້ຂໍ້ມູນຕ່າງໆກັບທາງລະບົບຂອງພວກເຮົາ, ທ່ານຄວນອ່ານໃຫ້ດີເສຍກ່ອນ, ນະໂຍບາຍສະບັບນີ້ອາດມີການປ່ຽນແປງຕາມການເວລາ ແລະ ສະພາບຕົວຈິງໃນອານາຄົດ ເພື່ອໃຫ້ສອດຄ່ອງກັບກົດຫມາຍທາງ Digital ແລະ ກົດຫມາຍຂອງ ສປປ ລາວ

1.    ຂໍ້ມູນສ່ວນຕົວລະບົບ Applicationຂອງ we serve driver ຈະເປັນແອັບທີ່ເກັບກຳຂໍ້ມູນສ່ວນຕົວຂອງຜູ້ໃຊ້ລະບົບເຊິ່ງຜູ້ໃດກໍຕາມທີ່ມານໍາໃຊ້ລະບົບແມ່ນຈະຖືກເກັບກຳຂໍ້ມູນສ່ວນຕົວພື້ນຖານ ເຊິ່ງຂໍ້ມູນພື້ນຖານດັ່ງກ່າວ ແມ່ນລວມມີ:

a)    ຊື່,ນາມສະກຸນ,ທີ່ຢູ່,ອີເມວ,ເພດ,ເລກບັນຊີທະນາຄານ(ສຳລັບແບ່ງເງິນປັນຜົນ)

b)    ຂໍ້ມູນທີ່ເປັນຮູບພາບ ໄດ້ແກ່ຮູບພາບຫນ້າປົກ,ຮູບລົດ, ຮູບຫນັງສືຢັ້ງຢືນຕົວຕົນເຊັ່ນ:ສໍາມະໂນຄົວ,ບັດປະຈໍາຕົວ ແລະ Passport

c)    ຂໍ້ມູນທີ່ຢູ່ປັດຈຸບັນ latitude, longitude.

2)  ຮູບແບບກາານເກັບກຳຂໍ້ມູນລະບົບ Applicationຂອງ we-serve Driver ຈະເກັບກຳຂໍ້ມູນທັນທີເມື່ອທ່ານເຮັດກິດຈະກຳເຫຼົ່ານີ້ໃນ Applicationຂອງພວກເຮົາ

a) ລົງທະບຽນນຳໃຊ້ແອັບ

b) ເຂົ້າສູ່ລະບົບ

c) ສະຫມັກເປັນຄູ່ຮ່ວມ driver;

3. ຈຸດປະສົງຂອງການເກັບກຳຂໍ້ມູນ,ການນໍາໃຊ້ ແລະ ການເຜີຍແຜ່ຂໍ້ມູນສ່ວນຕົວຂອງທ່ານ

a) Application ຂອງ we serve driver ຈະນໍາໃຊ້ຂໍ້ມູນສ່ວນຕົວຂອງທ່ານຕາມຈຸດປະສົງດັ່ງລຸ່ມນີ້

- ເພື່ອສະສົມຂໍ້ມູນຕິດຕໍ່ພື້ນຖາານໃນເວລາຈໍາເປັນທີ່ຈະຕ້ອງຕິດຕໍ່ຫາທ່ານໃນຈຸດປະສົງໄປສົ່ງຜູ້ໂດນສານ ຫຼື ຮັບຜູ້ໂດຍສານ ແລະ ໄປສົ່ງເຄື່ອງ ຫຼື ໄປຮັບເຄື່ອງ;

- ເພື່ອໃຫ້ທ່ານໄດ້ນໍາໃຊ້ Applicationຂອງ we serve ຢ່າງມີປະສິດຕິພາບ ແລະ ງ່າຍຂຶ້ນ

- ເພື່ອນໍາຂໍ້ມູນສ່ວນຕົວຂອງທ່ານໄປວິເຄາະໃນເຊີງສະຖິຕິ ແລະ ນໍາເອົາຜົນຕອບຮັບດັ່ງກ່າວໄປຜັນຂະຫຍາຍວຽກງານການບໍລິການໃຫ້ດີຂຶ້ນ

b) ການເຜີຍແຜ່ຂໍ້ມູນສ່ວນຕົວຂອງທ່ານ: ຂໍ້ມູນຂອງທ່ານຈະຖືກປົກປ້ອງ,ຮັກສາໄວ້ເປັນຄວາມລັບ ແລະ ຈະບໍ່ຖືກເປີດເຜີຍໃຫ້ພາກສ່ວນທີ່ສາມເປັນເດັດຂາດ. ເຖິງຢ່າງໃດກໍ່ຕາມຂໍ້ມູນຂອງທ່ານຍັງອາດຈະຖືກເປີດເຜີຍໃຫ້ຫນ່ວຍງານທີ່ກ່ຽວຂ້ອງໃນບາງກໍລະນີເຊັ່ນ:

- ພະນັກງານທີ່ກ່ຽວຂ້ອງຂອງບໍລິສັດເອງ

- ນັກກວດສອບ (ຈາກພາກສ່ວນລັດ)

c) ທີ່ຢູ່ປັດຈຸບັນ latitude, longitude ຈະຖືກນຳໃຊ້ເຂົ້າໃນການຕິດຕາມຕຳແໜ່ງປັດຈຸບັນຂອງຄົນຂັບ ກໍລະນີມີເຫດສຸກເສີນ ແລະ ໃຊ້ເຂົ້າໃນການຄຳນວນຕ່າງໆໃນລະບົບເພື່ອໃຫ້ຜົນໄດ້ຮັບຖືກຕ້ອງທີ່ສຸດ.

4.ການຖອນຂໍ້ມູນສ່ວນຕົວຂອງທ່ານ ອອກຈາກ Applicationຂອງພວກເຮົາ: ຖ້າທ່ານເຫັນວ່າ ທ່ານບໍ່ຢາກໃຫ້ມີຂໍ້ມູນສ່ວນຕົວຂອງງທ່ານໃນລະບົບຂອງພວກເຮົາ ທ່ານສາມາດຮຽກຮ້ອງມາຍັງທີມງານຂອງພວກເຮົາໄດ້ໂດຍກົງ ເພື່ອທີມງານຂອງພວກເຮົາຈະໄດ້ຖອນຂໍ້ມູນສ່ວນຕົວຂອງທ່ານອອກຈາກລະບົບ

5. ການເຂົ້າເຖິງຂໍ້ມູນສ່ວນຕົວຂອງທ່ານເອງ: ທ່ານສາມາດເຂົ້າສູ່ລະບົບໃນApplicationຂອງ we serve driver ໄດ້ຕະຫລອດເວລາເພື່ອເຮັດການປ່ຽນແປງຂໍ້ມູນຂອງທ່ານ

6. ການປ້ອງກັນ ແລະ ຄວາມປອດໄພຕ່າງໆ

a) ພວກເຮົາຈະເຮັດທຸກວິທີທາງເພື່ອປ້ອງກັນຂໍ້ມູນສ່ວນຕົວຂອງທ່ານບໍ່ໃຫ້ຮົ່ວໄຫຼໄປຫາພາກສ່ວນທີ່ສາມ ບໍ່ວ່າຈະຮູບແແບໃດກໍ່ຕາມ

b) ພວກເຮົາຈະທຸ້ມເທໃສ່ການພັດທະນາລະບົບໃຫ້ມີຄວາມປອດໄພທີ່ສຸດ ເພື່ອໃຫ້ບັນລຸຄວາມປອດໄພຕາມມາດຕະຖານສາກົນ

II. ມາດຖານຄວາມປອດໄພ

1) ລະບົບປະກັນໄພ

- ພວກເຮົາມີປະກັນໄພຜູ້ໂດຍສານໃນວົງເງິນສູງສຸດ 500 ລ້ານກີບທຸກຖ້ຽວ;

- ປະກັນໄພສິນຄ້າຕາມແຕ່ລະປະເພດສິນຄ້າ ເພື່ອຮັບປະກັນສິນຄ້າເຖິງມືທ່ານດ້ວຍຄວາມປອດໄພ;

- ລົດທຸກຄັນໃນລະບົບມີປະກັນໄພ, ໄດ້ມາດຕະຖານເຕັກນິກ;

- ມີປະກັນໄພ driver;

- ແອັບຜູ້ໃຊ້ບໍລິການແທັກຊີ ມີປຸ່ມສຸກເສີນສໍາລັບກົດຂໍຄວາມຊ່ວຍເຫຼືອ ກໍລະນີມີເຫດສຸກເສີນ;

2) ສິນຄ້າຕ້ອງຫ້າມ

ປະເພດສິນຄ້າທີ່ບໍ່ສາມາດຮັບບໍລິການໄດ້ແກ່:

1)    ປະເພດສິນຄ້າທີ່ຜິດກົດຫມາຍ:ຢາເສບຕິດ,ຝິ່ນ,ເຮໂລອິນ,ກັນຊາ...

2)    ສິນຄ້າຫນີພາສີທີ່ບໍ່ໄດ້ມີການເສຍພາສີອາກອນຖືກຕ້ອງຕາມກົດຫມາຍ

3)    ສິນຄ້າທີ່ເປັນອັນຕະລາຍ:ອາວຸດເສິກສົງຄາມ,ອາວຸດທຸກປະເພດ,ວັດຖຸໄວໄຟ,ຫມໍ້ໄຟທົ່ວໄປທີ່ຜ່ານການໃຊ້ງານມາແລ້ວ,ເຄື່ອງອີເລັກໂທນິກທີ່ຜ່ານການໃຊ້ງານມາແລ້ວ

4)    ວັດຖຸທີ່ມີແຮງດັນສູງຂອງແຫຼວ,ສານເຄມີ:ບັ້ງແກັດ,ບັ້ງອົກຊີ,ສເປ,ບາຫລອດ...

5)    ວັດຖຸມີຄ່າ: ເງິນ,ຄໍາ,ເງິນສົດ,ພັນທະບັດ...

6)    ວັດຖຸທີ່ມີຄ່າທາງບູຮານເຊັ່ນ:ເຂົາກວາງ,ງາຊ້າງ,ເຄື່ອງປ່າຂອງດົງ...

7)    ເຄື່ອງເພັດພອຍ,ທອງຄໍາແທ່ງ, ຫຼື ເງິນແທ່ງ ແລະ ອັນຍະມະມີອື່ນທີ່ມີມູນຄ່າສູງກວ່າ500,000 ກີບ(ຫ້າແສນກີບຖ້ວນ)

8)    ຊິ້ນສ່ວນມະນຸດ,ກະດູກ ຫຼື ເທົ່າອະຖິ

9)    ເອກະສານທາງການເງິນ:ປະເພດບັດເອທີເອັມ( ATM )ບັດເດບິດ(Debit),ເຄຣດິິດ(Credit),ແຊັກເງິນສົດ,ທະນາບັດ ຫຼືບັດແທນເງິນສົດຕ່າງໆ

ໝາຍເຫດ: ພະນັກງານຂັບລົດຮັບເຄື່ອງ ( shipper driver ) ເຮັດໜ້າທີກວດກາສິນຄ້າຕ້ອງຫ້າມດ້ວຍຕົນເອງ ແລະ ມີຄວາມຮັບຜິດຊອບໂດຍກົງ 100% ຕໍ່ການຂົນສົ່ງສິງຜິດກົດໝາຍ;

3. ສິນຄ້າທີ່ບໍ່ສາມາດເອີ້ນຄ່າເສຍຫາຍໄດ້

ສິນຄ້າທີ່ລູກຄ້າບໍ່ສາມາດເອີ້ນຄ່າເສຍຫາຍໄດ້ໃນກໍລະນີເຄື່ອງແຕກຫັກ ຫຼື ເປ່ເພ ເນື່ອງຈາກເປັນປະເພດສິນຄ້າທີ່ໄດ້ລະບຸໄວ້ໃນສິນຄ້າຕ້ອງຫ້າມ ຫາກແຕ່ລູກຄ້າຕ້ອງການຈະຝາກເຄື່ອງດັ່ງກ່າວ ຄວາມຮັບຜິດຊອບດ້ານຄວາມເສຍຫາຍແມ່ນລູກຄ້າເປັນຜູ້ຮັບເອງທັງຫມົດໄດ້ແກ່:

1)    ປະເພດພັດສະດຸທີ່ແຕກຫັກງ່າຍທີ່ເກີດຈາກການຫຸ້ມຫໍ່ບໍ່ຫນາແຫນ້ນຈາກລູກຄ້າເອງ

2)    ສິນຄ້າທີ່ເປັນຂອງແຫຼວ ແລະ ເຄື່ອງສໍາອາງ:ຄຣີມປຸງ,ໂລຊັນ... ທີ່ມີການປິດຝາບໍ່ໄດ້ມາດຕະຖານ

3)    ປະເພດອາຫານແຫ້ງທີ່ຫຸ້ມຫໍ່ບໍ່ຫນາແຫນ້ນ

4)    ສິນຄ້າທີ່ມີການຫຸ້ມຫໍ່ບໍ່ໄດ້ມາດຕະຖານເຊັ່ນ:ບໍ່ມີການແພັກໃສ່ຖົງ,ບໍ່ມີການຫຸ້ມຫໍ່ດ້ວຍແກັດ...

III.ມາດຕະຖານດ້ານຂະຫນາດ ແລະ ນໍ້າຫນັກຂອງພັດສະດຸ

-      ພວກເຮົາບໍລິການຂົນສົ່ງ ສິນຄ້າ, ຜູ້ໂດຍສານແບບເໝົາເປັນຖ້ຽວ ລູກຄ້າສາມາດເລືອກລົດໃຫ້ເໝາະສົມກັບຂະໜາດ ແລະ ນໍ້າໜັກຂອງພັດສະດຸຂອງລູກຄ້າ.

IV. ເງື່ອນໄຂມາດຕະຖານການໃຫ້ບໍລິການ ແລະ ການຊົດເຊີຍຄ່າເສຍຫາຍໃຫ້ແກ່ລູກຄ້າ

1. ການຍອມຮັບຂໍ້ກຳນົດ  ແລະ ເງື່ອນໄຂການຂົນສົ່ງຂອງທາງບໍລິສັດ

- ເມື່ອໃຊ້ບໍລິການ ກັບທາງບໍລິສັດ ທ່ານຕ້ອງຍອມຮັບເງື່ອນໄຂໃນນາມຜູ້ມອບສິດຂົນສົ່ງ,ຜູ້ທີ່ຖືກລະບຸຊື່ເປັນຜູ້ຮັບພັດສະດຸ, ທ່ານ ແລະ ບຸກຄົນດັ່ງກ່າວຈະຕ້ອງຖືກຜູກມັດໂດຍຂໍ້ກຳນົດ ແລະ ເງື່ອນໄຂຕ່າງໆ

- ເມື່ອຜູ້ຝາກຍອມຮັບວ່າພັດສະດຸ ແລະ ການຂົນຍ້າຍພັດສະດຸຂອງລູກຄ້າ ເປັນໄປຕາມຄວາມຖືກຕ້ອງຕາມກົດຫມາຍຂອງບໍລິສັດ ຂໍສະຫງວນສິດໃນການປະຕິເສດໃນການຂົນສົ່ງ ຫລື ສິນຄ້າທີ່ຜິດກົດຫມາຍ, ສິ່ງຂອງທີ່ແຕກຫັກງ່າຍ, ຂອງຄົມ, ວັດຖຸໄວໄຟ ລູກຄ້າຕົກລັງຮັບຜິດຊອບຕໍ່ຄວາມເສຍຫາຍ ຫຼື ຄວາມເສຍຫາຍທີ່ເກີດຂຶ້ນກັບບຸກຄະລາກອນອື່ນໆໃນກໍລະນີຜູ້ຝາກລະເມີດຂໍ້ຕົກລົງນີ້

- ເມື່ອພັດສະດຸທີ່ຕ້ອງຈັດສົ່ງໃຫ້ກັບບໍລິສັດຖືວ່າຜູ້ຝາກຍອມຮັບຂໍ້ກໍານົດ ແລະ ເງື່ອນໄຂຂອງບໍລິສັດທີ່ລະບຸຢູ່ໃນເອກະສານສັນຍາຮັບຂົນສົ່ງ, ສັນຍາການໃຫ້ບໍລິການອື່ນໆ

-ກໍລະນີທີ່ຜູ້ສົ່ງບໍ່ສາມາດດຳເນີນກາານຈັດສົ່ງພັດສະດຸດ້ວຍເຫດໃດກໍ່ຕາມທາງບໍລິສັດຈະລະບຸ ແລະ ແຈ້ງວ່າພັດສະດຸທີ່ຈັດສົ່ງຢູ່ບ່ອນໃດຫາກບໍ່ສາມາດສົ່ງ ຫລື ຜູ້ຮັບປະຕິເສດທີ່ຈະຮັບພັດສະດຸທາງບໍລິສັດຈະຕິດຕໍ່ຫາຜູ້ຝາກຕົ້ນທາງ ຖ້າຫາກວ່າມີການຈັດສົ່ງຕໍ່ ຫລື ພັດສະດຸທີ່ຕ້ອງສົ່ງຄືນ,ຄ່າທໍານຽມ ແລະ ດຳເນີນການຕໍ່ໄປຕາມທີ່ໄດ້ຕົກລົງກັນ,ຫາກວ່າຕິດຕໍ່ຜູ້ສົ່ງ ແລະ ຜູ້ຮັບບໍ່ໄດ້ພາຍໃນໄລຍະເວລາອັນສົມຄວນທາງບໍລິສັດອາດມີການທຳລາຍພັດສະດຸຂອງຜູ້ຝາກໂດຍບໍ່ຮັບຜິດຊອບຕໍ່ເຫດການດັ່ງກ່າວ

- ທາງບໍລິສັດຈະບໍ່ຮັບຜິດຊອບສໍາລັບການສູນເສຍ ຫຼື ຄວາມເສຍຫາຍອັນເປັນຜົນຈາກການດຳເນີນການໂດຍໃຫ້ບຸກຄົນທີ່ສາມມາຮັບແທນທີ່ຜູ້ຝາກ ຫຼື ຜູ້ຮັບລະບຸໃຫ້ຈັດສົ່ງໃຫ້ບຸກຄົນທີ່ສາມຮັບແທນ

2.ກໍລະນີທີ່ທາງບໍລິສັດຊົດເຊີຍຄ່າເສຍຫາຍໃຫ້ກັບລູກຄ້າ

- ຄວາມຮັບຜິດຊອບຂອງບໍລິສັດຈະຖືກຈໍາກັດຢ່າງເຄັ່ງຄັດໄວ້ພຽງການສູນເສຍ ແລະ ຄວາມເສຍຫາຍໂດຍກົງຕໍ່ການຂົນສົ່ງເທົ່ານັ້ນ ແລະ ການຈໍາກັດຕໍ່ກິໂລກຣາມໂດຍບໍ່ລວມການສູນເສຍ ຫຼື ຄວາມເສຍຫາຍປະເພດອື່ນ

- ການຮຽກຮ້ອງຄ່າເສຍຫາຍທີ່ຍື່ນເປັນລາຍລັກອັກສອນຕໍ່ບໍລິສັດພາຍໃນ30ວັນ ນັບຈາກວັນທີ່ບໍລິສັດຍອມຮັບການຂົນສົ່ງຫາກບໍ່ດຳເນີນການພາຍໃນເວລາດັ່ງກ່າວບໍລິສັດຈະບໍ່ຮັບຜິດຊອບໃດໆການຮຽກຮ້ອງຈະຖືກຈໍາກັດຫນຶ່ງສິດຕໍ່ຫນຶ່ງການຂົນສົ່ງ,ການຊໍາລະເງິນຈາກຂໍ້ຮຽກຮ້ອງຈະຖືເປັນການຊໍາລະເງິນສໍາລັບການສູນເສຍ ຫຼື ຄວາມເສຍຫາຍນັ້ນ

- ໃນກໍລະນີຄວາມເສຍຫາຍຫາກເກີດຈາກການຂົນສົ່ງໂດຍກົງທາງບໍລິສັດຈະຊົດເຊີຍເງິນຄືນໃນວົງເງິນບໍ່ກາຍ500,000 ກີບ/ກ່ອງພັດສະດຸ(Express) ຫຼື ຕາມເຫັນເຫມາະສົມໃນການຊົດໃຊ້

- ການຊື້ປະກັນໄພເພີ່ມ: ກໍລະນີສົ່ງພັດສະດຸທີ່ມີມູນຄ່າສູງ ແລະ ລູກຄ້າຕ້ອງການຊື້ປະກັນໄພເພີ່ມ,ຄ່າປະກັນແມ່ນ 3% ຂອງມູນຄ່າສິນຄ້າເຊິ່ງຈະມີວົງເງິນປະກັນສູງສຸດບໍ່ເກີນ25,000,000 ກີບ ໂດຍພັດສະດຸຕ້ອງຢູ່ໃນເງື່ອນໄຂການຮັບປະກັນຂອງບໍລິສັດ

3.ກໍລະນີທີ່ທາງບໍລິສັດຂໍສະຫງວນສິດໃນການຊົດເຊີຍຄ່າເສຍຫາຍຄືນໃຫ້ແກ່ລູກຄ້າປະກອບມີ:

a) ສິນຄ້າທີ່ຈັດຢູ່ໃນປະເພດສິນຄ້າທີ່ບໍ່ສາມາດຮຽກຮ້ອງຄ່າເສຍຫາຍໄດ້

b) ສິນຄ້າທີ່ຈັດຢູ່ໃນປະເພດສິນຄ້າທີ່ບໍ່ສາມາດຮັບຝາກໄດ້

c) ສິນຄ້າທີ່ມີການຫຸ້ມຫໍ່ບໍ່ໄດ້ມາດຕະຖານ ຫຼື ບໍ່ມີການຫຸ້ມຫໍ່ໃດໆມາ

d) ທາງບໍລິສັດຈະບໍ່ຮັບຜິດຊອບພາຍໃຕ້ສະຖານະກາານດັັ່ງຕໍ່ໄປນີ້:

- ທາງບໍລິສັດຈະບໍ່ຮັບຜິດຊອບຕໍ່ສິນຄ້າ/ພັດສະດຸ ທີ່ສູນຫາຍ ແລະ ເສຍຫາຍເນື່ອງຈາກໄພທຳມະຊາດ ເຫດການນອກເຫນືອ ຈາກການຄວບຄຸມເຊັ່ນ: ຖືກໂຈນປຸ້ນ ແລະ ຄວາມເສຍຫາຍເນື່ອງຈາກການເຊື່ອມສະພາບໃນຕົວຂອງພັດສະດຸເອງ

4.ການຈັດສົ່ງພັດສະດຸ

- ການຈັດສົ່ງຖືວ່າສໍາເລັດຖ້າພັດສະດຸຖືກສົ່ງໄປເຖິງປາຍທາງທີ່ຢູ່ຂອງຜູ້ຮັບທີ່ລະບຸໄວ້ໃນໃບມອບສິດຂົນສົ່ງ

- ຖ້າຜູ້ຮັບເຄື່ອງບໍ່ສະດວກຮັບພັດສະດຸຕາມທີ່ຢູ່ລະບຸໄວ້ ສາມາດໃຫ້ບຸກຄົນທີ່ຢູ່ໃນສະຖານທີ່ນັ້ນເຊັນຮັບແທນ ຫຼື ຖ່າຍຮູບ (ໂດຍຜ່ານການເຫັນດີຈາກຜູ້ຮັບທີ່ລະບຸໄວ້ໃນໃບບິນ) ຫຼື ສາມາດໃຫ້ຜູ້ຮັບເຄື່ອງປະສານຫາສະມາຊິກໃນຄອບຄົວ ຫຼື ຫມູ່ຮ່ວມງານເຊັນຮັບແທນໄດ້

5. ຫຼັກການຈັດສົ່ງ

1) ຈໍາເປັນຕ້ອງມີລາຍເຊັນຈາກຜູ້ຝາກເຄື່ອງເພື່ອເປັນຫຼັກຖານການມອບສິດຂົນສົ່ງ

2) ໃນກໍລະນີຜູ້ຮັບບໍ່ສາມາດຮັບເຄື່ອງ ສາມາດໃຫ້ຄົນອື່ນຮັບແທນໄດ້, ແຕ່ພະນັກງານຈັດສົ່ງຈະຕ້ອງໄດ້ມີການຢັ້ງຢືນຕົວຕົນ ແລະ ເຊັນຮັບແທນຈາກລູກຄ້າເພື່ອເປັນຫຼັກຖານອ້າງອິງ